കിവികളെ എറിഞ്ഞു വീഴ്ത്തി നേടിയത് ജഡേജ നേടിയത് ഒന്നൊന്നര റെക്കോർഡ്‌

ഇന്ത്യ ന്യൂസിലാൻഡ് മൂന്നാമത്തെ ടെസ്റ്റ് മത്സരത്തിൽ ആദ്യ ഇന്നിങ്സിൽ ബാറ്റ് ചെയ്ത ന്യൂസിലാൻഡ് 235 റൺസിന് പുറത്തായി. 

ഇന്ത്യയുടെ ബൗളിംഗ് നിരയിൽ രവീന്ദ്ര ജഡേജ അഞ്ചു വിക്കറ്റുകൾ നേടി തിളങ്ങി. ഇതോടെ ഒരു റെക്കോർഡും ജഡേജ സ്വന്തമാക്കി. ടെസ്റ്റ് ക്രിക്കറ്റിൽ ഇന്ത്യയ്ക്കായി ഏറ്റവും കൂടുതൽ വിക്കറ്റുകൾ നേടുന്ന അഞ്ചാമത്തെ താരമായി മാറാനാണ് ജഡേജക് സാധിച്ചത്.

ഇതുവരെ 74 മത്സരങ്ങളിൽ നിന്നും 314 വിക്കറ്റുകളാണ് ജഡേജ നേടിയത്. സഹീർ ഖാൻ, ഇഷാന്ത്‌ ശർമ എന്നിവരെ മറികടന്നാണ് ജഡേജ ഈ നേട്ടം സ്വന്തം ആക്കിയത്. 311 വിക്കറ്റുകളാണ് ഇരുവരും നേടിയത്.  

 രവീന്ദ്ര ജഡേജക്ക് പുറമേ വാഷിംഗ്ടൺ സുന്ദർ നാല് വിക്കറ്റുകൾ നേടിക്കൊണ്ട് തകർപ്പൻ പ്രകടനം നടത്തി. 

 ന്യൂസിലാൻഡ് ബാറ്റിംഗിൽ ഡാറിൽ മിച്ചൽ 129 പന്തിൽ 82 റൺസും വില്ലി യങ് 138 പന്തിൽ 71 റൺസും നേടി തിളങ്ങി.